Murray-i tamakok ajuru; Federer quarterfinal-i iogo

New York, September 08 (Agencies): Britain nunger Andy Murray-i tang tasayadak US Open asayamong tebur singles shilem indang 4 buba round asaya nung yashi Hombar nü tamakok angu saka taoba mapang Grand Slam takok marok 17 tashi agizüksang, Switzerland nunger Roger Federer-i takok ngua quarterfinal asayatsü jenjang ajangzükogo.
South Africa nunger Kevin Anderson-i yashi ace 25 tashi yangluba densema points 7-6 (7/5), 6-3, 6-7 (2/7), 7-6 (7/0) ngua Murray tsükdaktsüba sülen tan mezüngsüa Grand Slam asayamong quarterfinal nung shilem agitsü jenjang nguogo.
Tan asayamong nung 2 buba jenjang abensang, Federer-ia points 7-6 (7/0), 7-6 (8/6), 7-5 ngua America nunger John Isner 4 buba round nung tsükdaktsü.
Tan agi US Open takok marok 6 buba agizüktsü alizüng ayusang, Federer-i 12 buba jenjang nung alisang, France nunger Richard Gasquet den quarterfinal nung ajuruteptsü.
Gasquet-ia yashi points 2-6, 6-3, 6-4, 6-1 ngua Czech Republic nunger Tomas Berdych madak takok ngua quarterfinal asayatsü jenjang angu.
2015 French Open champion, Stanislas Wawrinka-ia yashi points Young 6-4, 1-6, 6-3, 6-4 ngua America nunger Donald Young madak 4 buba round asaya akokba sülen quarterfinal-i aiba osang jangjaogo.