Mkg nung World Diabetes Day among

Mokokchung, Yimpoksüi/November 19 (TYO): World Diabetes Day anogomong nüngtem nung tanü Rotary club building, Mokokchung nung “The family and diabetes” omen nung ajemdaker angati screening camp ka agiogo, ta Chief Medical Office, Mokokchung sangdong ka ajanga metetdaktsü.
Iba sentong ya Rotary club of Mokokchung den Department of Health & Family Welfare, Mokokchung nati senteper ayongzük.
Iba sentong ayongzükba tongti nükjidongji nüburtem nem diabetes aser iba tashidak ajanga adokdaktsüba timtem balala indang metetdaktsütsü aser diabetes tashidak nokdangba den anepaluba nung kibong ka shilem metetdaktsütsü asoshi liasü.
Iba camp nung shirangertem dak blood sugar, blood pressure angati tendangtsü aser body mass index (BMI) asadangtsüba den külemi counseling agüja IEC materials lemtsüogo, ta kasa sangdong nung shia lir.