NSCN/GPRN (R)-i gari ka ngua lir

Dimapur, Yimpoksüi/November 19 (TYO): NSCN/GPRN (R) Town Command-i Bolero gari temesüng ka- Chasis no:MA.1.P1.2G.H.KB5F 80633 aser Engine no: GHB 4E 50001 nguteta lir, ta NSCN/GPRN (Reformation) MIP-i sangdong ka ajanga metetdaktsü.
Anungji iba sangdong agutsüba anogo nungi tenzüka anogo tenetnü (7) tsüngda kiburi kuli kakettem tejangja bener arua Town Command indang Office nungi agizüktsü metetdaktsür; anogo tenetnü sülenbo meshitsü makok, ta sangdong nung shia lir.
Town Commander, Col.Hukato Chophi den 9366074244/9612973337 ajanga tongteprateptsü akok, ta kasa sangdong ajanga metetdaktsüogo.