65buba India Cooperative Week Mokokchung nung mungogo

Dimapur, Yimpoksüi/November 20 (TYO): 65buba all India Cooperative Week amungba mapang Mokokchung nunga “Inclusive growth and good Governance through Cooperative for rural prosperity” omen nung ajemdaker iba sentong Yimpoksüi/Nov 14 nü nungi 20 nü tashi mungogo.
Iba sentong nung alakteta tejaoker ka ama o jembiba mapang Branch Manager NSCB Ltd, Mokokchung, Nchumthung Kikon-i, rongsen ketsüng tajungba nung renloka aotsü asoshi takhangba aliba den liromedema cooperative sectors nunga skill aser technology up-grade asütsü nüngdakba lemsatep.
Iba sentong nung dena aliba cooperative society züngsemtem dang, parnok society tem tajungba inyaksangshitsü atema skill tem ajungkettsü asoshi department balala nungi ketdangsertem den sensakasemtsü atema maongka agitsü ajungshi.
Iba sentong nung A.O ARCS Mokokchung, R. Bendang-i lokti pelaa agizükba o jembi aser tepela o SICS, Bisarila L. Sangtam-i jembia liasü. Kasa mapang nung iba sentong ya JICS, Tsulenla Jamir lenisüba kübok kaa liasü, ta ketdangser sangdong ka ajanga metetdaktsü.