Dokan ka nung injang khaloktsü

Dimapur, Yimpoksüi (November) 20 (TYO): Tanü nikongtsütsü 5:00 ako meta Dimapur kübok Nuton bosti nung mejangjatetba nisusng kari two-wheeler showroom ka nung injang khaloktsü. Ajisüaka, iba lendong nung nisung shinga meyiru.
Osang ajanga ashiba agi, nisung asem bike ka nung mener aru aser dokan nung injang khaloktsüba sülen Duncan bosti tsütsüleni jena ao.
Injang ajanga showroom tejaklen glass pane aser glass door raksatsü saka dokan nung mapa inyakertem kümzük. Iba tesem nung 9 mm injang tazüng pungu ngutetogo, ta police-i ashi.