Ni kü ken angatsü nema madanger: Arijit Singh

Yimpoksüi/November 21, 2018 (Agencies): Nüngtugu kentener Arijit Singh-i Sangtennü ashiba agi, pai pa ken angadang nema medangi bilemer.
Arishiküm 31 tain kentener, ya 49buba nung International Film Festival of India (IFFI) lapokba sentong nung dena liasü. Iba sentong nung pai mezüngbuba direct asüba film ‘Sa’ screen asütsü.
Sentong agiba mapang host Amit Sadh-i Arijit dang “Tum hi ho”, “Phir le aya dil” aser “Chahun main ya naa” nunger amala romantic kentem atentsü asoshi kechi nung tajungshiba angur ta asüngdangba mapang, Arijit-i ibaji tasüngdangba ka asü ta langzüa liasü.
Iba sülen Amit-isa pai pa indang ken angar mangar ta asüngdangba mapang pai ashiba agi, “ni kü ken angaba mapang nema medangi bilemer.”
Maneni pa kinungtsüia pa indang kentem angar mangar ta asüngdangba mapang “lai kü kentem mangar,” ta Arijit-i ashi.
Arijit-i iba sentong nung ken maten saka “Barfi” film nungi “Phir le aaya dil’ ken tatsüka tena liasü.
IFFI 2018 lapokba sentong nung Union minister Rajyavardhan Singh Rathore, Goa governor Mridula Sinha, Bollywood nung nüngtugu actor Akshay Kumar, film yanglur Karan Johar, Central Board of Film Certification (CBFC) tekolakba Prasoon Joshi aser producer Siddharth Roy Kapur nungera densema liasü.