xXx film pezübuba nung Chou-i shilema agitsü

Yimpoksüi/November 21, 2018 (Agencies): xXx film pezübuba nung shilem agitsü asoshi Taiwan nunger nüngtugu actor Jay Chou anisemogo. Chou, shiba Hollywood nung mezüngbuba Seth Rogen-i tongti shilem agiba film The Green Hornet nung shilem agia liasü, pa Vin Diesel aser Deepika Padukone nunger den iba film atema longjemogo, ta Variety sangdong ka ajanga metetdaktsü.
DJ Caruso-i iba film direct asütsü aser iba film nung maneni Diesel-i Xander Cage shilem agiba angutsü. Pa dak alia Chou, Chinese actors Zoe Zhang aser Roy Wang nungeri tongi shilem agitsü.
Kasa mapang nung Deepika Padukone shibai Hollywood nung mezüngbuba xXx: Return of Xander Cage nung shilem agia liasü, la maneni iba film pezübuba nung shilem agitsü jangjaogo.
Rongjui/September nung Caruso-i Twitter ajanga Deepika iba film nung shilem agitsüba sangdonga liasü aser Wang dena pelashishia jaoka liasü. Padmaavat film nung tongti shilem agilai taruba film nung shilem agitsü magitsü ta asüngdangba mapang Caruso-i, lai iba film nung shilem agitsü, ta langzüa liasü.
xXx: Return of Xander film dak sendakba nung nisung ajak tebilemba balala liasü saka iba film ajanga alima ajunga nung USD million 300 dak tema aazükogo.