4,000 mAh Battery aketba Honor 8C taruba hopta sayatsü

Yimpoksüi/November 21, 2018 (Agencies): Huawei indang sub-brand Honor company-i India nung “Honor 8C” smartphone taruba hopta sayatsü renema lir. Iba phone nung 4,000mAh battery aser 6.26-inch Notch FullView Display inokja lir. Artificial Intelligence (AI) technology aketba iba device ya memory variants ana; 4GB RAM+64GB aser 6GB RAM+64GB nung sayatsü imlar.
Iba ita tetenzüklen Huawei puri 6.21-inch display den resolution of 1080px2340p aketba “Honor 10 Lite” sayaogo. Iba phone ya 2.2GHz Octa-Core ka ajanga tashi agütsür aser 4GB RAM variant ya sen 21,990 agi sayaogo. Company puri ashiba agi, parnoki Honor phone tem Diwali mapang million 1 dak tema yokogo aser item rongnung “Honor 9N” aser “Honor 8X”, Flipkart’s Big Billion Days aser Amazon India sales day nung osettem rongnung timtiba ayokba oset liasü.
Huawei puri “Honor 8X” ya alima ajunga nung million 6 dak tema yokogo aser smartphone category nung sales volume aser revenue dak sendakba nung anogo ka nung timtiba ayokba phone kümogo.