Kokrajhar district nung truck ka rongdoktsü; Nisung ka asü

Kokrajhar, Yimpoksüi (November) 21 (Agencies): Kokrajhar district kübok Kolabari yimtsüng anasa NH-31 (C) nung mokdang posemertem ta temulung melemi bilemer nisung kari truck gari ka rongdoktsüdang nisung ka asü aser asem kanga mejungi yiru.
November 20-21 ayaterm meta mokdang posemertem ta temulung melemi bilemertemi truck (UP-25/AT-6390) nung mi senoktsü. Iba mapang truck nung mena alir ka asü aser asem kanga mejungi yiru.
Tasüsangji Saddam Hussain ta jangjaogo aser parnok ya atta bener Tezpur-i aodang lendongji ajuru.
All Assam Koch Rajbongshi Yuba Chatra Sanmilani, All Koch Rajbongshi Students’ Union (AKRSU) aser All Assam Koch Rajbongshi Sanmilani (AAKRS) temi ghonda 48 ayongba mokdangba mapang lendongji atalok.
Bodoland Territorial Area Districts (BTAD) nem Union Territorial Council jenjang agütsütsü Centre-i mapa inyakba anema parnoki mokdang alitsü ayongzük.
Mongulbarnü BTC tesemtem public aser security forces tsüngda mepetmesü adokba sülen tensa mejungi lir. Iba ajanga lungkak aitertemi garitem rongdoktsü aser parnok-a aika yiru.
Iba dak sendakba nung police-i Prahlad Adhikari (29), Pankaj Adhikari (19), Debaprasad Adhikari (17), Sunil Ray (31), Bimal Ray (31), Bimal Barman (29), Manik Ray (17), Shyamal Ray (35), Madhab Ray (26), Sudhir Adhikari (50), Nani Ray (55), Hariprasad Ray (15), aser Karna Ray (32) nungertem pua lir.