‘Nani Teri Morni’ IFFI, Goa nung screen asütsü

Kohima, Yimpoksüi/November 21 (TYO): 49buba International Film Festival of India (IFFI) Goa nung screen asütsü asoshi Nagamese film Nani Teri Morni shimogo.
Iba film ya Mhonbeni Ezung taküm otsü nung ajemdaker yangluba movie ka lir. Mhonbeni Ezung ya National Bravery Award for children agizüker rongnung tanutsütila lir, koba lai 2015 küm agizüka liasü.
2015 küm Mhonbeni Ezung (Lotha), ya arishi küm 9 liasü aser iba mapang nung lai tetsü tzü nung arakseta aliba nungi kümzük.
Iba film ya ita ka tejakdang Children Film Bonanza, Nagaland nunga screen süogo. Minute 42 talang movie ya Akashaditya Lama-i zülua direct süogo aser Children’s Film Society, India (CFSI) puri produce süa liasü. Kasa mapang nung movie line producers rongnung Ankita Tiwari aser Rebecca Changkija Sema densema lir.