Khrüphi-i ‘Fall Winter’ sentong ayonger

Kohima, Yimpoksüi/Nov. 21 (TYO): Nov. 23 nikongdang 5:00 ako nungi Hotel Vivor, Kohima nung ‘Fall Winter’ ta ser fashion show ka ayongzükogo; Fashion show ya Khrüphi teloki ayongzük.
Khrüphi telok nung züngsem lanur designer ponguji; Neisa Rupreo, Aso Tsürho, Ken. Dzüvichü, Rüguo Mere aser Nütso Kire nunger lir, aser iba sentong nung theme balala nung ajemdaker design balala sayatsü.
Khrüphi ya Tenyidie oshi lir, koba tetezü “Tanüdangtsü”, koba ajanga pei tema tereprangtsü aser melungsentsü ajak pei sasa angur.
Kasa sentong nung Ruopfüzhano Whiso (FBB Colors Femina Miss India Nagaland 2018), Neilangunuo Sanchu (Miss Tiara India Nagaland 2018) aser Pelevinuo Rüpreo (Miss Kohima Runner up 2017) nungeria shilem agitsü aser Virie den Seyievinuo Chuzho nungeri ken atentsü.