Nagaland nung MRVC 97% jungogo

Dimapur, Yimpoksüi (November) 21 (TYO): November 20, 2018 tashi nung Nagaland nung MRVC mapa ajanga tanur 97% dak tema nem mozü agütsüogo.
School aser outreach sessions balala ajanga tanur 4,35,346 nem MR vaccine takok ngua agütsüogo.
Department-i health facility ajak nung tanur nem mozü agütsür aser campaign atsülanga inyakba mapang 100% atongtsü imlar.
November 21, 2018 nü district 11 nungi DIOs den senden ka amendang Administration, Education, Social Welfare aser tanga department ajak dang iba mapa nung shilem agiba atema pelaba metetdaktsütsü mulungtep.
Maneni, NGOs, partner organizations aser health workers-i anibelem arema ita 9 nungi arishi küm 15 tsüngda aliba tanurtem nem MR vaccine agütsütsü atema mapa inyakba atema pelar, ta senden nungsa jembitep.
Tang tashi Phek nung 89% aser Zunheboto nung 93% lir aser iba district ana nung mozü agütsütsü magizükba kibongtem/yimtsüngtemi tekaratiba nung mozü agütsütsü atema senden nung adenertemi ayongzük.