Nefhilim Lipok (Origin)

~  S. Panger.

Jongkai atokba Lai o kaket nung shin o tarensen kar tarutsü nung ataloktsü küm billionsa billion lia atalokogo ta (perfect tense) nung zülua angur. Pa tsüngdang anogo kaji meimchir asoshi küm meyi ka ta sayur. 2 peter 2:8 nung lir.
Nefhilim lipokji kotak nungi tenzük, kotak tenyar asemsü nung ka ibai lir ta metet, aji 2 peter 2:4 Yihuda 1:6 nung aliba ama Tsüngremi kotak nungi aridok, Satan Lucifer Tejen per Mojing parnok tanishiba lir. Nefhilim tem lipok 6:4 nung zülua aliba ya Ezk. 28:14-16 satan anema kuptep, kibur aküm anungji Tsüngremi pa endok ta angutsü.
1. J. Adok 12:7 kotak tenyar rara nung tanishir Mikael (CNC) Satan dragon aser par telok den rara, 12:8 dragon satan or Lucifer parnoki makok aser kotak nungi aridok, kotak nung talidak mangu.
2. J. Adok 12: 9 dragon, mojing aser satan ji tsükdaktsü!!!
3. J.Adok 12:12 Tsüngremi ashi, alima nung alirtem ayatai! Kechiyong mojing nenok dangi aluogo, parnokji Lipok 6:4 nung ashibaji lir.
4. Nefhilim temji kotak nung tzükba (fallen angels) ta yihuda 1:6 aser 2 pert 2: 8 jaki sayur.
5. Lipok 6: 2 Tsüngremi Adam & Eva yanglur külen alijak sünga nisung aküm, jalanula tajung jenti tebur tajung ngua sayubaji Nefhilim tem jagi kibalembua tenzük. Tzümetsüng ji item tashikar temenen ajanga adok ta sayur, saka lipok 6:6-7 Noah aser par kibong nisung 8 kümzük.
6. Nefhilimtem kotak nungi aridokba/tsükdaktsüba tenyartemji alima tatembang nung merenshitsü jail nung yua lir, Yihuda 1:6 aji kotak lipok purtem to alima nung nisungtem den kibalembua sobaliba aoba sayur.
7. ANGEOLOGY…..kotak tenyar tenüng kar mejeta parnok mapa telemsa angur. Mikael ji kotak tenyar raratsü tanishir, Garbil ji kotak osang tajung abenba lenir, Cheripum, Safrim kotak langpang anüker ano o tonglar ta yamaji lir.
8. SAKA…kotak tenyartem meyisa meyi kasa (same sex) lir, fallen angels Jude 1:6,2 Pet 2:4 itemji lir, parnokji nsung malidang (lipok ta shidi) liasü, saka kotak nung raraba ji aser item tashi mangar, pangdak kübok malirtem anogoji Tsüngremi dang metet, parnok dangji Nefhilim tem ta laishiba nung tenüng angur.
13th November 2018 adianu kati Nefhilim indang adokba asoshi pelar. Iba indang tesayuba aisü nungi agütsüba tali jangja agizükogo, ajak denji yarisema ni ya zülusemtsür.