Mhomo Ngullie-i Naga Chef nung My Naga Thali takok angu

Kohima, Yimpoksüi/November 22 (TYO): Naga Chef Season-6 anogo pezünübuba nung Dimapur nungi Mhomo Ngullie-i Round-4 “My Naga Thali” takok angu, ta Media Coordinator, Naga Chef Season-6-i sangdong ka nung metetdaktsü.
Pai tetokteper pezü madak takok ngua liasü. Pai item chiyungtsütem remnema liasü: Smoked Chicken den Naga Basil, Pumpkin & Runner Beans den Axone, Naga Dal den Yam aser Roselle aser Chicken liver chutney den Raja Chilly aser Naga Pepper.
My Naga Thali round nung tendangertem- Rovi Chase, Joel Basumatari aser Alemjungla Jamir nungeri tetokeper trok rongnung ka agiena liasü.
Iba anogo nung Kohima Exotic School of Cooking nungi chefs-i tetoktepertem atema master class ka ayongzüka katsü.
November 23 nü tetoktepertemi Round-5 “Naga High Tea” nung shilem agitsü, kong parnok pongui dessert, Naga snacks aser beverage renemtsü.