NSF-i lokti tentet balala dang pelar

Kohima, Yimpoksüi/November 22 (TYO): Naga Club aser NSF na tsüngda mangatettep aliba atema o lemteptsü aser tajungtiba nung bentettsü atema November 21 nü De Oriental Grand, Kohima nung Naga nunger lokti tentet balala nungi lenirtem aser taintemi senden ayonga amenba atema Naga Students’ Federation (NSF)-i parnok ajak dang pelar, ta tanü NSF Tir, Christopher Ltu aser tongti tezülur, Imtiyapang Imsong nati sangdong ka ajanga metetdaktsü.
“Lenirtem aser taintemi sangdongbaji NSF-i akhümtsübutsü aser benshitsü, kechiyong ibaji tajung tebilemba nung inyakba den asen nüburtem telongjem tashi itshitsü aser tangatetep nung alitsü atema inyak ta onoki amanger,” ta kasa sangdong nungsa shia lir.