Nagaland den arrtsülen Sivasagar district nung aonung Curfew ozüng benoker

Mokokchung, Yimpoksüi/November 22 (TYO): Additional District Magistrate (ADM) Sivasagar, Assam-i Nagaland state den arrtsülen Sivasagar district nung kilometer pongu (5) telongtet nung Mongputeni/October 24, 2018 nungi tenzüka anogo 60 nü tashi aonung 6:00 ako nungi anepdang 6:00 ako tashi aonung curfew ozüng benokogo, ta tanü ketdangsertem osang ka ajanga metetdaktsü.
ADM, Sivasagar-i tetuyuba ka ajanga, Sivasagar district nung Assam/Nagaland arrtsülen ozüng alema inyakertem aser nisung tamajungertem nokdangtsü atema aonung curfew ozüng benoker, ta metetdaktsü.
ADM, Sivasagar-isa, aonung curfew mapang nung nija mesüra telok, mesüra gari senzüsembongtsü memelar, ajisüaka Magistrate, security sepaitem army/CRPF/Police aser ketdangsertembo iba ozüng küboki maiter, ta metetdaktsüogo.