UNICEF Assam-i Nahid Afrin ‘Youth Advocate’ shim

Guwahati, Yimpoksüi (November) 23 (Agencies): UNICEF Assam-i tang mezüngbuba ‘Youth Advocate’ inyaktsü atema kentener Nahid Afrin shim.
November 22 nü parnoki Assam nungi kentener Nahid shim.
Nahid ya Biswanath Chariali nungi lir aser 2016 küm Bollywood film industry nung mezüng ken aten aser iba sülen sempet aika nguogo.
Tawa tu Nahid-isa Assam State Film Awards 2018 nung sempet ka ngua liasü.
Youth advocate ka ama Nahid-i tanurtem aser lanurtem ajungmesotsü. Alima nung tensa tajungba kümdaktsütsü aser temetentem akhümtsübutsü indang tesayubatem lai agütsütsü.
Youth advocate temi quality education, basic healthcare, tanurtem dak tashiyim mapa anema aser tanga lokti dak sendakba onük aika posema nungiter.
UNICEF India-ia tawa tu ang India nung Youth Ambassador inyaktsü atema Hima Das shima liasü.