BJP President Amit Shah helicopter nungi tsük

Aizawl, Yimpoksüi (November) 23 (Agencies): Mizoram nung election nüboyimba maparen atema senzüdang BJP President Amit Shah helicopter nungi tsük.
Iba tatalokba ya West Tuipui constituency kübok Tlabungy yimtsüng nung Brihostibarnü atalok.
Amit Shah helicopter nungi aludang tetsüng ajemjir ali nung lao.
West Tuipui ya Chakma kintem teimba alidak ka lir aser Bharatiya Jananta Party (BJP)-i Chakma voter tem mesüzüktsü atema kanga meranger.
Mizoram nung BJP-i takok angutsü maongka aliba constituency ana rongnung iba ya ka lir.
Iba constituency nung Congress MLA Nihar Kanti Chakma-i Kina Ranjan Chakma den tokteptsü.