NagaChef Round 5 buba osang

Kohima, Yimpoksüi/November 23 (TYO): Yimpoksüi/November 23, 2018 aonung Macha Ki, Kohima nung Naga Chef Round-5buba nung “Naga High Tea”- Hot beverage, snacks, starters aser dessert tetoktepba agiogo.
Tetokteper nisung pongu rongnung Group Round-i air nisung pezüji- Mhomo Ngullie, Dennis Suohu, Lipok Longkumer aser Vikhuli Achumi nunger lir.
Group Round ji November 24 nikongdang 6:00 ako nungi Macha Ki, Kohima nung agitsü, aser tetoktepertemi tejaokertem atema sorochoktsütsü.
December 1 nungi December 9 tashi Hornbill Festival, Kisama nung Entrepreneurial Round nung shilem agia tokteptsü atema shimtsü aser iba atema Group Round osangji Honibarnü sangdongtsü.