Ranji Trophy: Nagaland-i Meghalaya makok

Dimapur, Yimpoksüi/Nov. 23 (TYO): Shillong nung Ranji Trophy tebur cricket asayamung nung Meghalaya-i wicket trok agi Nagaland senior tema tsükdaktsü. Yangtepnü Nagaland ya runs 332 yangluteter liasü aser Rogonü runs 39 tali yangluteta ajak agi runs 371 yanglur ajak out asü aser tanabuba innings nung Meghalaya-i rus 88 dang nüngdaka aküm.
Tanabuba innings nung mapang kabo Meghalaya ya runs 12 dang yangluteter wicket asem tashi out sür liasü, koba Pawan Suyal aser Tahmeed Rahman nati wicket kaka agi. Taoba asaya nung Nagaland-i Mizoram akok saka Sikkim makok lir.
Mezüng inning nung Meghalaya-i runs 389 nung lia asayar ajak our asü. Iba inning nung Meghalaya nungi RR Biswa-i runs 111 aser Yogesh Nagar-i runs 166 yanglutet. Kasa inning nung Nagaland nungi Pawan Suyal-i wicket pongu aser Jalal-i wicket asem agia liasü.
Nagaland teloki mezüng innings nung runs 106 dang yangluteter lia ajak out süadok.
Nagaland nungi KB Pawan-i runs 21, Paras-i runs 20, Hokaito-i runs 19 aser Sedezalie-i runs 13 yanglutet.
Meghalaya asoshi Gurinder Singh-i wicket pezü, A Singhania aser Lakhan Singh nati wicket asem-sem agia liasü.
Mezüng innings nung runs 283 agi tajemba yanglutetba ajanga Nagaland ya follow on angu.
Tanabuba innings nung Nagaland-i runs 371 yangluteter lia ajak out asü. Nagaland nungi asayar Abrar Kazi-i runs 164, Sedezalie-i runs 68, Paras-i runs 57 aser Nitesh-i runs 38 yanglutet.
Meghalaya asoshi A Singhania-i wicket pongu agi, Girinder Singh aser Dippu nati wicket ana-na agia liasü.
Tanabuba innings nung Meghalaya-i wicket pezü out süa runs 91 yanglutet. Par telok nungi Punti Bist-i runs 34 aser Yogesh Nagar-i runs 29 yangluteta liasü. Nagaland asoshi Pawan Suyal-i wicket ana aser Tahmeed Rahman-ia wicket ana agia liasü. Taruba asaya ya Dimapur nung Luchii/December 6 nungi 9 anogotem nung asayatsü aser iba asaya ya Nagaland aser Manipur tsüngta asütsü.
CK Nayudu Trophy
NCA Stadium, Dimapur nung Yimpoksüi/November 22 nungi tenzüka 25, 2018 tashi asayatsü aliba teburtem U-23 CK Nayudu Mutli cricket asayamung Nagaland aser Manipur na tsüngta asayaba nung Manipur-i mezüng innings nung runs 325 yanglutet aser Nagaland ya runs 186 yangluteta wicket pongu out sür lir.
Iba asaya mezüng innings nung Manipur-i runs 325 yangluteter lia asayar ajunga out asü, kong Aryan Sehrawat-i runs 74, Kishen-i runs 56 aser Longlonyamba-i runs 51 yanglutet. Kasa innings nung Nagaland nungi Arvind aser Shubham nati wicket pezü-zü agiteta liasü. Nagaland telok ya mezüng inning nung runs 186 yangluteter wicket pongu out sür lir. Nagaland nungi T Valmik-i runs 52, Vinayak-i runs 50, Puchu-i runs 33 aser Arvind-i runs 29 (not out) yangluteter lir.