‘2.0’ sayatsü anogo matongdang sen cr. 370 aazükogo

Yimpoksüi/November 24 (Agencies): Nüngtugu actor Akshay Kumar aser Rajinikanth nati tongti shilem agiba film ‘2.0’ ya taküm küm film rongnung kanga dang yongyaa ataba film ka asütsü. Angazükba agi, tanü tashi bollywood industry nung sen timtiba indoka yangluba film rongnung 2.0 lir.
Osang ajanga angazükba agi, 2.0 yanglurtemi film indang version asemprongla digital aser satellite right tem dang sen crore. 370 yong ayok. Iba yongji film sayatsü anogo matong tsüngda iba film ajanga budget tesadang nungi timba aazükogo.
“Kasa mapang Telangana/Andhra Pradesh, Kerala, Karnataka aser Northern India tesemtem nung distribution rights-i individual distributor tem dang yokogo. LYCA-i Tamil Nadu aser bendanglen indang distribution rights agizüka lir,” ta Bollywood Hungama ajanga metetdaktsü.
2.0 film sayatsü anogo matongadang Rights balala nungi aazükba sen yamai alitsü:
* Satellite Rights: Rs 120 crore (All Versions)
* Digital Rights: Rs 60 crore (All Versions)
* North Belt Rights: Rs 80 crore (Advance Basis)
* Andhra Pradesh/Telangana Rights: Rs 70 crore
* Karnataka Rights: Rs 25 crore
* Kerala Rights: Rs 15 crore
Taruba 2.0 film nung Akshay-i scientist ka tenüng agi Richard shilem aser kasa mapang Rajinikanth-i Vaseegaran aser Chitti robot shilem agiba angutsü.
Shankar-i direct asüba film 2.0 nung Adil Hussain, Sudhanshu Pandey aser Amy Jackson nungeri tongti shilem agiba angutsü. Iba film atema AR Rahman-i music mejemtsüogo.
@.0 film ya Yimpoksüi/November 29, 2018 nü sayatsü.