Syska-i Reverb C2 earphones sayaogo

Yimpoksüi/November 24 (Agencies): Syska Group-i ‘Reverb C2’ ta nüngja agütsüba Wireless earphones ka sayaogo. Iba earphones ya tepungba aser kanga ayonga amshitetter. Company-i ashiba agi, brand tanga indang battery den medemdangra, C2 nung keta aliba battery arishi talangba asütsü.
Tzü aser auyi nungi tekümzüktsü angutsü asoshi iba earphone nung ‘IPX4’ inoka yanglutsüogo.
Earphones nung high definition speaker aser multifunction button den magnetic earbuds keta lir.
‘Bass’ aser sound tajungba adokdaktsütsü asoshi Reverb C2 nung HDAB Technology den high precision auto-level equalizer inoka yanglutsü.
Company-i ashiba agi, tamshirtemi iba earphones tekong nung azükloker ken aser music angatettsü aser earbuds silicon agi meyibanga yanglutsüba ajanga mapanga talangka atema ayonga amshietter.
Reverb C2 ya black, blue aser green sentsü nung angutsü aser earphones jenjang ya sen 2,849 asütsü.