Samsung Galaxy S10 nung camera 6 aser 5G inoka yanglutsü

Yimpoksüi/November 24 (Agencies): Taruba MWC 2019 sentong nung Samsung-i 2019 flagship – Galaxy S10 sayatsü imlar. Taoba ita ishika tejakdang website balala nung iba handset indang olulu osangtem proka liasü aser osang ama handset nung item feature inoka yanglutsütsü akok.
Ajisüaka, item olulu osangtem dak alaka Samsung-i Galaxy S10 variant asem sayatsü akok.
Samsung-i jenjang tajemba indang version ka sayatsü koba tasazük inch 5.8 asütsü aser premium version ana – 5.8-inch aser 6.4-inch sayatsü.
Tang WSJ sangdong ajanga angazükba agi, Galaxy S10 indang version pezübuba yanglutsütsü aser iba handset nung camera 6 den 5G connectivity keta alitsü aser phone tasazük inch 6.7 asütsü.
Kasa osang ajanga angazükba agi, camera trokji Samsung Galaxy S10 nung lemsa inoktsütsü, tetezü phone tesülen camera pezü aser tejaklen camera ana alitsü.
Samsung Galaxy S10 nung ‘reverse wireless charging’ feature inoka yanglutsütsü akok. Iba feature ya Huawei flagship smartphone – Mate 20 Pro nung keta lir. Camera dak alaka, Samsung Galaxy S10 nung ajaki yongyaba feature kaji 5G connectivity asütsü.