Phesama YO aser Elite Club-i KDOVT kokogo

6buba Kohima District Open Volleyball Tournament

6buba Kohiam District Open Volleyball Tournament akoker- Phesama YO (men’s) aser Elite Club Kohima (women) nungi asayartem tangokba noksa nung angur.

Kohima, Yimpoksüi/November 24 (TYO): Defending champions Phesama Youth Organisation (men) and Elite Club Kohima (women)-i maneni 6buba Kohima District Open Volleyball Tournament (men & women) kokogo. Iba asayamung ya Kohima District Volleyball Association-i ayongzüka Kohima local ground nung asayaogo.
Tebur final asaya nung Phesama YO-i, 25/17, 25/23, 25/18 agi Kirpuphema Youth Organisation madak ayong ayonga takok ngua liasü.
Iba asayamung akokba sülen Phesama YO nem senpet sen 35,000 den trophy aser kuli kaket agütsüogo aser kasa mapang nung tanabuba jenjang nung takok angur Kiruphema pur nem senpet sen 25,000 agütsü.
Jurila sempet angurtem rongnung best spiker: Phesam YO nungi Neithongulie Koutsu, best setter: Zenith Club, Kezo Town nungi Kedicho Pucho nem agütsüogo. Tenapronglanem sen 5000 (each) agütsüogo. Semifinal nung tamakok anguba team; Neichazou Volleyball Club, Mima aser Kenouzou Club Kohima nema senpet sen 5,000 (each) agütsüogo.
Tetsür asaya nung defending champ Elite Club Kohima puri Tiema-Khe Kidima madak 25/20, 25/23 aser 25/13 agi takok nguogo. Asayamung akokba atema Elite pur nem senpet sen 25,000 den kuli kaket aser trophy agütsüogo aser Tiema-Khe Kidima pur nema senpet sen 15,000 den kuli kaket agütsüogo. Jurila sempet angurtem rongnung; Elite Club nungi Jevikali Achumi-i best spiker award aser Tiema-Khe Kidima nungi Kezevile Yongo nem best setter award agütsüogo. Tenapronglanem senpet sen 2,000 (each) agütsüogo.
Asayamung shibangba sentong nung 3rd Assam Rifles, Commandant, Col. Debraj Bhattacharya tetushi tesemdanger asü aser pai takok angurtemnem sempet agüja liasü.