Ni Chealsea toktsütsü akok: Eden Hazard

Yimpoksüi/November 26, 2018 (Agencies): Chelsea nung nüngtugu asayar Eden Hazard-i pa iba season tembangba sülen club toktsütsü akok, ta shiogo.
Hazard tang agi season tenetbuba Stamford Bridge nung asayadar aser pa LaLiga nung Real Madrid-i aotsü asoshi jembishinüa aruogo.
Belgium nunger asayar, shiba 2020 tashi Chelsea nungi asayatsü asoshi tenangzüktepba yanglua lir, pai ashiba agi, pa season tembangba sülen aotsü akok mesera Chelsea denang tenangzüktepba tasen ka yanglutsü akok.
“Ni tangbo Chelsea nungi asayatsü. Ni küm ka asayatsü anunga lir. Kü contract matsülangtsü akok. Ajisüaka ni Aenjeti/Jan nungbo maotsü. Ni club aser fans tem mechi nung ibajibo minyaktsü.
“Taruba summer ni aotsü akok saka ano ni Chelsea nung dang career tembangtsüa akok,” ta Hazard-i ashi.
Pa Madrid-i aotsü asoshi jembishinüa aruogo saka ano Paris Saint-Germain-i aotsüba osanga dena adokogo.
Ajisüaka Ligue 1 champions nung adentsüba osangbo hazard-i jangjatsüogo. “Taoba mapang nung ni PSG-i aotsü asoshi tesendaktep yanglua liasü saka ni jangraa maliasü,” ta paisa ashi.
“Ni künü France-i meyipa aotsüsa kümra ni Lille-i meyipa aotsü, saka tanübo ni French league-i aotsü kecha tebilemba mali,” ta paisa ashi.