Tsüngrem aser meimchir lipok lisang

~Süpongnüngsang Longkümer,
Darogapathar Village Dimapur.

Alima nung kin kowe ali ajakji bei lima aser kin jakzükdak dar (Tar) nunger otsü tejangja History alimai züngyonga arudake.Yamaji asenoka Longterok nung poktetba otsü lir aser ibai tanü asüng nisungtem shingaia nunga ta ashitsü makok, atendanga aotsü makok kechaser otsüla obula nungerji shisa taka liasü kin kidong tejangja lemtetba ten asenok yangi sümetemti ta renem. Longterok kuliji ibaji ta angateter. kechaser sü ka kijabo marepber saka ana nungi temalen arepber aser aji odang areb nungpo lenten metong palala asütsü akok aser jeblangjibshia adoktsü, Saka sümetemti ta asüba o ji lenten metong ajak kasa, “tetezü temulung ka, tangatetba ka, temeim nung ka, ajak opang abua, telongjem ka nung yimsü asüpa” shisa taka pangzüng liasü ta angateter. Tanuposangi dambosang asuba mangu ama shibai nunga ta asütsü. Tsüngremi yangluba nisungtem nemtenba otsü asünung renema akaba otsü anema kangkokangjira tadaktet maka amok achir aser kin-a aranger mesüra samar. Iba dang nungi tali Tsüngrem lipokji, Mezüngpuba Anüng nung Khen agi mainshiba Anü, aser alimatem, alima nung Tzüyim aser arem,aser yangji alibatem tapensa shibai yanglutet, Anü mapa kija nungji tesüngmangtsü rongnung tesüngmangtsü lir.
Yamaji koba tsüngrem daksa amangtir tsüngrem lipok akatsü südi,saka shirnokisa Taküm Tsüngrem dak amanger parnok asoshi Laishiba nung Lipok tabu ya Tsüngrem lipok lir. Anungji Laishiba nung kechi zülua ali aji sarasatema angatettsü pushitsüla, Tateshitsü agi nisung ya tapu ana lir,ochi shir telok aser ochi mashir telok.Ochi shir teloki kodanga ochi mashir telokji mesendoke azüoktsü meranger,yimsüsüribo meranger tashi mangara senchi chia merenshir, saka ochi mashir telok jagi kodanga ochi shir telok ten metentettsü kechaser shisatsü majem tanak. Nisung karbo bei i meinyak mesüra mepushi nung tangari inyakteta akaba mapa raktep ama Kotak nung Luciferi Tsüngrem yimli raktepba ajanga kodak nungi aridok. Itangji kotak tenyar telok shilem asem nung ka shilem Luciferi anizüker alimai alu. Saka Lucifer alima donga alu aser tenyartemji tum tanüla aküm ta Lai ajanga sayur. Aser Luciferji tenük meremba tanüla asünung paji mojing aküm ashe pa-a Tsüngremi yanglu Ezekiel 28:15 Na yangluba anogo nungi, nü dak memeshiba mangu tashi na bei lenmang nung tapensa liasü.Iba rara tulu tempanger külen Tsüngremi sendong melenshia Adam yanglu saka idangjia satan ( Lucifer) jagi Tsüngrem dak tenük merema Adamji ashioktsü ta Lai nung angateter aji sür külena Tsüngrem chirtem jagi nisung chir tepur junga ngua tanur sudaktsü.Iba ama temenen ajanga Noa mapang tzü agi alima shidok Lipok 6: 9-. Tsüngremi ajak nung ajak yanglu item rongnung Anü tashe yagi Tsüngrem tashe tesüngmangtsü sayur saka Anüi alima ajak kenü nung meyajemer, saka Tsüngrem aküm agi alima ajak amokbanga lir. Laishir kari ashiba agi Tsüngrem lar shiri Lipok tabu aser J Adok nungi jempitsü tsüpur parnoki mojing peladaktsür ta angazük. Mathi 13:11Yisui nütsüngtem dang langzüa ashi, kotak yimli miim o metettsü nenok nem agütsü,saka telok nem magütsü ta zülua angutsü. Anungji Laishiba kümtanga züngdi ta ayongzüker.