KTM 125 Duke ABS India nung introduce süogo

Yimpoksüi/November 26 (Agencies): India nung KTM motorcycle sapurtemi mapang talangka nungi yongyaa ata aruba ‘125 Duke’, KTM-i sayaogo aser tang iba motorcycle nung ABS keta lir.
Motorcycle ya ‘introductory price’ ka ama sen lakh 1.18 (ex-showroom, Delhi) asütsü. KTM ya Europe indang motorcycle brand rongnung temaba aser India shishilembadak sports motorcycle brand rongnung kanga kara renloka odar.
Küm 65 tashi world racing asayamung balala nung KTM-i shilem agia arua World Championship title 295 dak tema anguba ajaki jangjaa lir.
Tanga KTM ama 125 Duke nunga kasa ‘KTM gene’ keta lir. Iba engine ajanga 14.5 PS power agütsür aser motorcycle nung trellis frame aser aluminium swingarm keta aliba angutsü. Motorcycle nung premium feature tem talisa tejaklen upside-down suspension, ABS aser tangatem inoka yanglutsü. Ibaji ajanga India shishilembadak 125cc motorcycle rongnung 125 Duke ya performance-oriented motorcycle ka asütsü.
India kübok KTM showrooms 450 tashi nung KTM 125 Duke ABS ya angutsü.