Oscar angusang Bernardo Bertolucci arishi küm 77 nung süogo

Yimpoksüi/November 26 (Agencies): Italy nunger film yanglur Bernardo Bertolucci, shibai ‘The Last Emperor’ atema Oscar sempet angu, pa Yimpoksüi 26, 2018 Tentonü arishi küm 77buba nung süogo.
Bertolucci indang otongdar Punto e Virgola-i pa (Bernardo) asüba osang sangdonga liasü. RAI-i ashiba agi, Bernardo ya Rome nung asü.
“Italy aser alima nung film yanglur rongnung director tulutiba ama pa bilemtettsü,” ta 2007 küm Bernardo nem lifetime achievement award agütsüba Venice Film Festival sangdong ajanga metetdaktsü.
America aser international A-list star tem den project balala nung inyakba mapang, U.S film industry temi Bertolucci film yangluba yimya anema ashishitep, saka pai itemji nokdangtetta film tem takok ngua yanglua liasü.
Pa indang career timba ka nung takok anguba osangtem ajanga sangdonga liasü.
“Commercial cinema ka kodang yanglutsaü ta südir, ni ya bendanger lir ta kü sasa jangratema bilem,” ta 1990 küm Bernardo-i ashi.
2011 küm Cannes Film Festival sentong nung Bernardo-i lifetime achievement award agizüka liasü.
Bertolucci indang film The Sheltering Sky nung Debra Winger aser John Malkovich nati America nunger apuani ka shilem agir. 1990 küm yangluba film The Sheltering Sky ya Golden Globes award atema Bertolucci nominate süa liasü.
Iba sülen 1993 küm pai ‘Little Buddha’ kong Keanu Reeves-i Siddharta shilem agi aser 1996 küm Liv Tyler-i tongti shilem agiba ‘Stealing Beauty’ film direct süa liasü.
England tsür writer aser director Clare Peploe den Bertolucci-i kibong aküm saka tena tanur mali. Peploe ya Mark Peploe aianu lir; pa ya screenwriter aser Bertolucci indang tembar tajung ka lir. Project balala nung Bernardo aser mark na külemi inyakogo.
Punto e Virgola sangdong ajanga ashiba agi, Bernardo den tepila sentong agitsü asoshi anogo tejangja renema mali saka taruba anogo ka ana tsüngda nung agitsü imlar.