DLSAs-i Constitution Day among

Kohima, Yimpoksüi/November 26 (TYO): Mokokchung, Longleng, Mon, Kohima, Dimapur aser Peren district tem nung District Legal Services Authorities (DLSAs)-i peipei district nung aliba schools aser colleges nung Constitution Day anogomong nüngtem nung legal awareness aser essay tetoktepba ayongzüka agi.
Dimapur nung Dimapur DLSA-i legal awareness programme ka Dimapur Government College nung ayongzüka agi. Yambemo, Panel Lawyer DDLSA-i basic legal rights indang jembi, Kekhriele-û, Panel Lawyer DDLSA-i immoral trafficking indang jembi, Rokovitsu, Panel Lawyer DDLSA-i cyber crime indang aser N. Kevichusa Retainer lawyer DDLSA-i linük temzüng indang jembia liasü.
Iba sentong tembanga CJM aser Secretary DDLSA, Ajongba Imchen-i jembia liasü. Iba sentong ya Khumchuba, Panel Lawyer DDLSA leniba nung agi aser college nungi kaketshir aser tesayur ajak agi parnok 200 shi aden.
Yamaji Longleng DLSA-ia Government Yingli College nung legal awareness sentong ka ayongzüka agi; Peren nung Peren DLSA-i Government College, Peren nung sentong ka ayonga agi; Kohima DLSA-i D.C conference hall nung college kaketshirtem den awareness sentong ka ayonga agi aser Mon DLSA-i Konjong Higher Secondary school nung awareness sentong ka ayonga agi.
Mokokchung nung DLSA-i Fazl Ali College nung “Constitution of India: A living document” omen nung ajemdaker otsüno zülutepba tetoktepba ka ayonga agi aser iba tetoktepba nung kaketshir 15-i shilem agia liasü.