Tseminyu nung Morung tongti tongshi atsüba sentong agi

Yimpoksüi/November 26, 2018 nü Tseminyu jila nung sobaliba yimya nung Morung tongti tongshi atsüba sülen RSA Ground, Tseminyu nung Vety & AH and Women Resources Development Advisor, R. Khing, ketdangsertem aser shilem agirtem tangokba noksa nung angur. 

Tseminyu (Kohima), Yimpoksüi/November 26 (TYO): Yimpoksüi/November 26, 2018 nü Tseminyu jila nung sobaliba yimya nung Morung tongti tongshi atsüba sentong agiogo, aser iba sentong ya November 27-28, 2018 anogotem nung agitsü aliba Ngada mini hornbill festival dak sendakba sentong ka liasü, ta tanü ketdangsertem osang ka ajanga metetdaktsü.
Morung tongti tongshi atsüba nung Vet & Animal Husbandary and Women Resources Development Department Advisor, R. Khing-ia shilem agia liasü.
Tongti tongshiji Tseminyu jila kübok Tsokinsin nungi atsü tenzüka liasü aser RSA ground Tseminyu Old town nung Ngada mini hornbill agitsü aliba tongti Morung tashi atsü.
R.Yhunsenlo Kent-i tenüngsang agüja sarasademba sülen Tseminyu Union Chairman, Jwenga Kent-i Morung tongti atsütsü atema inyakyim metetdaktsü.
Iba sentong nung Rengma nunger tebur 300 shii sobaliba sobutsü sübor shilem agia liasü, ta kasa osang ajangasa metetdaktsü.