Fifteenth Finance Commission-i Nagaland semdangtsü

Dimapur, Yimpoksüi (November) 26 (TYO): Fifteenth Finance Commission-i November 27, 2018 nü Nagaland semdangtsü. Commission Chairman-i anir ketdangser 11 tashi helicopter ajanga Kohima-i arutsü.
Kasa anogo nikongtsütsü 5:00 ako nung Commission-i The Deck, Hotel Vivor nung Rural Local Bodies (VCMs & VDBs) den aser ano Urban Local Bodies o Tribal Hohos den ajuruteptsü.
November 28, 2018 anepdang 10:00 ako nung Commission-i Chief Minister aser state sorkar ketdangsertem den ajuruteptsü. Iba sülen parnoki nikongtsütsü 2:30 ako nung Political Party ajak nungi teshimtet nübotem aser Trade, Industries & Commerce nübotem den ajuruteptsü.
November 28 nikongtsütsü 4:30 ako nung Fifteenth Finance Commission-i Hotel Vivor nung osangbener senden ka amentsü.
November 29, 2018 anepdang parnoki Touphema Tourist Village semdangtsü aser iba sülen helicopter ajanga Imphal-i aotsü.
State sorkari Fifteenth Finance Commission agizüktsü renema lir ta Finance Department sangdong ka nung metetdaktsü.