Agnes & Amita atema bushisüngdang balaka asütsü

Shillong, Yimpoksüi (November) 27 (Agencies): Chief Minister Conrad K Sangma menden ser Meghalaya Cabinet senden nung social activist Agnes Kharshiing aser la den yariteper Amita Sangma na dak teka sangshiba ken o atema independent inquiry ka asütsü mulunga agizükogo.
State Cabinet senden amenba sülen Home Minister James P.K. Sangma-i ashiba agi, political department aser law department ajanga bushisüngdangba telok shimtsü.
Amita Sangma-i iba tatalokba nung Nidamon Chullet ta ser nisung ka dak tai tonglokja lir saka tang tashi pa ano mapu lir.
Chullet ya East Jaiñtia Hills district nung National People’s Party (NPP) lennir ka lir.
Agnes aser Amita naprongla North Eastern Indira Gandhi Regional Institute of Health and Medical Sciences (NEIGRIHMS) nung anepaludar.