N Biren Singh-i Thailand Princess Sirindhorn pela agizük

Mongulbarnü Imphal International Airport nung Manipur Chief Minister N Biren Singh-i Thailand nungi Princess Maha Chakri Sirindhorn pela agizükdang agiba noksa ka angur. (Imphal, November 27).

Imphal, Yimpoksüi (November) 27 (Agencies): Manipur Chief Minister N Biren Singh-i Mongulbarnü Thailand nungi Princess Maha Chakri Sirindhorn pela agizük.
Princess Maha Chakri Sirindhorn Imphal International Airport tonga aruba sülen Biren-i la pela agizük. La ya Manipur Sangai Festival 2018 nung adentsü atema aruba lir.
Princess Maha Chakri Sirindhorn-i Manipur Sangai Festival 2018 nung adenba ajanga iba benjung tali mera akettsü aser jenjang tajungba akümtsü imlar, ta N Biren-i ashi.
Taoba mapang Princess Maha Chakri Sirindhorn-i Tripura semdang aser idangji Chief Minister Biplab Kumar Deb-i Kailashahar Airport nung la pela agizüka liasü.
Iba mapang lai Tripura nung Unakoti semdang.