Kohima nung dokan kiburtem nem dustbin lema agütsü

Kohima, Yimpoksüi/November (TYO): Nagaland yimtiba Kohima nung benjung mapang atongba temaitsü sayua aser temeküt merüka ayutsü telemtetba tulu nung, Yimpoksüi 26, 2018 Tentonü, Sanitation Committee nungi convenor, Khrupavil Hobo aser New Market Area Panchayat nungi chairman Ruokuobeizo Nyusou lenisüba kübok iba tentet aser züngsem naprong longjema New Market telungtet nung aliba dokan kima nung dustbin/jana bendenba pungdang 300 shii agüja aser yutsüyonga senzüogo.
Meimchirtem meküta aliba tesem, tzü aser mopung merüktetta ayutsü asoshi dustbin ya nüngdakba oset tongtingbang ka lir.
Temang anema alitsü asoshi tekümdangtsü osang prokba aser sensopur merükmejuba nung asüngtetta lidaktsütsü nükjidong nung, taküm küm Aami 23, 2018 nü Kohima Sanitation committee-i New Market ( Ser Area, Ward No.8 nung “littering free zone” sangdonga liasü.
Tawa, New Market colony panchayat-i iba locality kübok aliba dokan ajak dang osettsüset alepbangtsü mesüra seper agütsütsü asoshi plastic tem mamshitsü tenokdangba ozüng agütsüogo.