Cooch Behar Trophy (U-19) osang

Dimapur, Yimpoksüi/November 27 (TYO): NCA Stadium, Sovima, Nagaland nung tang tasayadak Cooch Behar boys (U-19) trophy anogo anabuba nung Nagaland team temaba jenjang nung lir. Anogo anabuba tembangba tashi nung Nagaland team-i wicket 8 out sür run 340 yanglutetogo aser mezüngbuba inning nung parnok run 128 agi Manipur jakdang lir.
Asaya nung Manipur team-i mezüngbuba innings nung asayar ajak out sür run 212 yanglu aser Nagaland team-i meyiper asayar 8 out asür run 340 yanglur lir. Nagaland team nungi asayar Vipu-i run 70, Upanshu-i run 60, Chiranjivi-i run 36 aser Aditya-i run 39 yanglu.
Manipur team bowler tem rongnungi Johnson-i wicket 2 aser Meitei-i wicket 2 agi.
Maneni tanü asaya anogo tasembuba asayatsü.