Tuensang Inter Departmental asayamung tenzükogo

Dimapur, Yimpoksüi/November 27 (TYO): 1buba Tuensang District Inter Departmental Badminton aser Table-Tennis Championship, Indoor Stadium Tuensang nung Yimpoksüi/Nov 27 nü tenzükogo. Asayamung lapokba sentong nung Tuensang Deputy Commissioner, L. Jamithung Lotha tetushi tesemdanger asü.
Officers’ Club Tuensang District-i iba asayamung ayongba atema parnok tenüng asangba den DC-i parnok dang employees tem sempet aser parnoki inyaktettsübatem bushiteta iba maongka agitsü mepeshi.
Iba asayamung ya telungjem aser temang anema alitsüba dak rangloker ayong. Anogo ana asayatsü ayongba asayamung nung department balala 61 nungi asayar 200-i shilem agidar.
Asayamung lapokba sentong Buchu lenisüba kübok aka aser TTBL, pastor Rev. Sangkup-i sarasadema sentong tenzük. Maneni sentong nung Gabriel Chitai-i ken tajung ka tena liasü, ta DPRO Tuensang sangdong ka ajanga metetdaktsü.