Luchii 1 nü NPF Phek division seminar akatsü

Kohima, Yimpoksüi/Nov 28 (TYO): Naga People’s Front (NPF) Phek Division puri achaayanga ‘re-visiting the regional principle and ideology’ nung ajemdaker Multi Purpose Hall, Pfutsero nung Luchii 1 nü 11:00 ako nungi anogo ka seminar ayonga akatsü.
NPF central tir Dr. Shurhozelie Liezietsu-i “NPF party tentetba aser party tangatetba tem dak ajemdaker jembitsü aser kasa mapang nung Rajya Sabha MP aser NPF secretary general K.G. Kenye-i Party lenirtem khuret indang onük nung ajemdaker jembitsü.
Maneni NPF central tir advisor Thenucho Tunyi-ia party lenirtem shilem indang jembitsü.
Sentong nung MLA, Yitachu aser Kuzholuzo (Azo) Nienu nungeria o tatsütsü jembitsü.
Iba sentong ya NPF Phek division tir Chivotso Nienu lenisüba kübok akatsü aser MLA Dr. Chotisuh Sazo-i lokti pelaa agizükba o jembitsü.
Tepela o MLA Kezhienyi Khalo-i jembitsü aser NPF Phek division general secretary Wepe Mekrisuh iba seminar recording secretary asütsü.
Phek division nungi NPF central office bearers, Phek division office bearers aser frontals, area constituency office bearers aser Phek division frontals, MLA tem ajak iba sentong nung adentsü asoshi pelashishia jaokba, party ketdangser sangdong ka ajanga metetdaktsü.