Taruba Hornbill Festival nung moko chiyungtsütem mayoktsü

Kohima, Yimpoksüi/November 28 (TYO): Tanü Additional Director (HoD) Tourism, Akhale Vizol-i sangdong ka ajanga nüburtem dang, Kisama Village nung taruba Hornbill Festival amongba mapang moko chiyungtsütem ayokba khenyongi nokdangtsü, ta metetdaktsü.
Cigarettes and other Tobacco products (Prohibition of advertisement and regulation of the trade and commerce, production, supply and distribution) Act 2003 kübok Arrla 21, 24 aser 25 nung ajemdaker Section 4 (lokti aliba tesem nung moko (smoking) achiba nokdangba) mapa küma benoktsü, aser kari danga iba tetuyuba anema inyakra ozüng nung ajemdaker tapet temerenshi agutsütsü, ta paisa metetdaktsü.