DLCC-i tobacco control atema review senden ayonga amen

Dimapur, Yimpoksüi/November 28 (TYO): DLCC Review senden (third quarter 2018) den repsema tobacco control atema Inter department coordination senden ka tanü Dimapur Commissioner of Police indang conference hall nung ayonga menogo, ta ketdangsertem osang ka ajanga metetdaktsü.
Chairman PNF, Father Joe leniba nung iba senden amen aser Deputy Commissioner of Police Traffic, Jatila-i asen lokti nung moko ajanga timtem balaka agutsüba indang metetdaktsüba den külemi moko anema stake holders ajaki inyaktsü tayongzükba agutsü.
Kasa senden nung C Tetseo-i tobacco control laws indang metetdaktsü.
Ano Vishal Chauhan, Deputy Commissioner of Police Zone-11 leniba nung shisa lemsatepba sentong ka agia tobacco control laws onük nung o lemtep aser yimti nung moko amshiba anema züngsemtemi amalitepa inyaktsü bangjema liasü.
Iba senden nung Police, Education, Food safety, Drug Control, Pollution board, DMC, Legal metrology, Taxes, excise nungi ketdangsertem aser college den schools kaketshirtem aden.
Senden nung school pongu nem tobacco free certificate agüja liasü.