Nagaland nung Supply Chain Management (SCM) tenzükogo

Dimapur, Yimpoksüi (November) 28 (TYO): Nagaland nung alir nem goods & services mapang shitak nung agütsütsü atema November 28, 2018 nü Supply Chain Management (SCM) tenzükogo.
Directorate of Food and Civil Supplies Dimapur indang conference hall nung Public Distribution, Ministry of Public distribution and Consumer Affairs, Delhi Director, D.K. Gupta-i iba mapa tenzüktsü.
SCM ya godown nungi tenzüker fair price shops tashi stock reprangba maparen ka lir aser iba application ajanga beneficiary temi jangotsü aliba metettsü, ta Gupta-i ashi.
Paisa Directorate of Food and Civil supplies Director, Dimapur, Asangla Imti, NIC, Dimapur aser ketdangser ajak nem tenüngsang agüja jembidang “Iba ya Nagaland atema takok mapa tulu ka lir” ta ashi.
National Food Security Act kübok Nagaland-i beneficiary tem atema (FPS Automation) dak alaka mapa ajak renemogo. Anungji department-i anünga aliba mapa tekaratiba nung inyaktsü ayongzüker, ta paisa shisem.
Nagaland nung tang Ration cards 2,84,934 den beneficiary 1401378 lir. Targetted Public Distribution system (TPDS) computerized süogo aser NIC-i yanglutetba application ajanga jangotsü mapang shitak nung angutsü aser alemtsü, ta DIO, NIC, Dimapur, Lipok-ia ashi.
D.K.Gupta-i anir züngsem 3 agi akümba telok kati NIC Dimapur nung yaritepa SCM application yanglu. Tanüngba züngsemtemji Central Project Management, Delhi nungi Kumaran aser NIC Delhi nungi Sumit lir.