Kohima nung Hornbill Night Carnival atema traffic ozüng melenshir

Kohima, Yimpoksüi/November 29 (TYO): December 1 nungi December 10, 2018 tashi Kohima nung Hornbill Night Carnival aliba mapang nung traffic ozüng kar benshitsü atema PRO Kohima Police-i sangdong ka nung metetdaktsüogo.
‘Y’ junction nungi Post Office tashi ajichilen gari anena ayutsü memelatsü, ajisüaka abelen tsütsübo single parking melatsü; Northern Gate, Local Ground nungi Razhu Point tashi gari anentsüa memelatsü; item tesem nung gari anena yura gariji atsüer aotsü aser atsüer aoba taaji gari kiburtemi agutsütsü.
Maneni ‘Y’ junction nungi Razhu Point tashiji ‘one way down’ dang asütsü aser Razhu Point ajanga Khouchiezie (Kohima Local Ground) tsütsüleni aotsü memelatsü aser Congress Bhavan nungi ‘Y’ junction tsütsüleni aotsü memelatsü.
Temaleni atuba garitemji D block colony ajanga senzütsü.
Item traffic ozüng ya nikongdang 4:00 ako nungi Night Carnival/Bazaar metembang tashi benshitsü, anungji nüburtem aser gari amshirtemi Kohima Traffic Police den amalitepa inyaktsü mepishir, ta kasa sangdong ajanga metetdaktsü.