Alokba dang Nagaland tensa mapang asüngdanger :

Maneni taoba adok nungi..
Tambur : Hoi!!! Alok, kidang kecha mapa maliba agi na tanüa kidang alitsü malitsü-aji ta rataseta angudanger ako!!!
Alokba : Oko, kidang dang lirko, atua menang…
Tambur : Tenu Alok… nenok tashi temeteterji tanü Nagaland tensa indang kar asüngdangi arur …
Alokba : Kecha palakabo tashi temetetjia mali ako, saka nai asüngdangbabo odang langzütettsü ako… asüngdangang.
Tambur : Kechiba asen Ao lima nungbo Reverend meshirbo agütsür aser melala dang angur? Onok tanur asüdangbo Reverend ta asübajibo tenüki anguba Tsüngrem ta tetshia liasü aser kanga akhümtsübua aru. Saka tanü asüngbo talisa, Ao lima nungbo nisungbaji küm telatet mali, taküma koma lia aru item osang junga metendangi oda meshirbo odang agütsür amai dang reprangtetter. Ya kechiba?
Alokba : Tanü asüng alima ainba den liromedema küma tasazüka kecha mesükshir, libaliroa aruba-a kecha merepranger aser kodaser tekaratiba nung Reverendji angur ta tangatetba nung inyaker. Tasüngdangbatem junga langzütetter, meranga kipoksem senzür, kinünger adianu takar-tashi-temetettertem alir aserbo küm ana-asem shi dang Pastor inyakerbo taginertem nembo odang agütsür.
Tambur : Ano, linük nung ‘SMART CITY’ shimba indang osangkaket nung angur aser item rongnungji Kohima-a shima lir aser ano, tawa tanü ka Nagaland Chief Minister-i Kohima dang masü saka Dimapur-a shimang ta center sorkar dang akhangba ya komala ‘SMART CITY” aka?
Alokba : Oko, aji yamai adi :
S : Sadoksadoka
M : Mamshitsü
A : Amshiba
R : Reprangba
T : Tesem

C : Chiajemer
I : Intetdak
T : Tesadem
Y : Yimti
Tambur : Kanga pelar….. Temoatsü kanga nguogo. Ano mapang angudangka arua lemsatepdi.. Oh…. ALOKBA!!!!!
                                                                    Lili : SMS.