Phesama yim nung Security Forces-i Free Medical Camp ka katsü

Kohima, Yimpoksüi/November 29 (TYO): Kohima district kübok Phesma yimtsüng nung Yimpoksüi/November 28, 2018 nü HQ Inspector General Assam Rifles (North) lenisüba kübok Security Forces-i angati Medical Camp sentong ka ayonga katsüogo.
Medical camp sentong akaba ya Phesama yimtsüng nung alir lisopurtem angati agi temang anepalua aser mozü agütsütsü nükjidong nung agi.
3 Assam Rifles nungi Capt Deepika Badhwar, RMO (Regiment Medical Officer) lenisüba kübok medical team-i iba medical camp maparen achaayanga liasü.
Lisopurtem nem pei temang timtem dak apet angati mozütem lema agütsüba dak alia medical team yagi manemi alirtem temang tendanga aser anepalua liasü.
Iba medical camp sentong agiba mapang tebur 68, tetsür 92 aser tanur 42 densema patient ajak agi 202 shii medical team yagi anepaluogo.
Temang anepaluba aser mozü-mera agütsüba dak alaka, iba medial team yagi Phesama yimertem dang menatepba tashidak nungi koda temang kümzüka ayutsü aser temang anema alitsü asoshi shisatsü agütsü.
Pei temang merük mejuba nung asüngtetta aser temang tajungba nung anepalua anema alitsü asoshi medical team yagi yimertem dang tongtibang tesayubatem agütsü.