State sorkari plastic amshiba nokdangtsü

Kohima, Yimpoksüi/November 29 (TYO): November 26, 2018 nü Cabinet senden nung agizükba sülen Nagaland state sorkari tuyuba nung ajemdaker Urban Development Department-i sangdong ka ajanga, plastic amshiba ajanga alima tzü mopung menentsüba aser libajen raksatsüba nung ajemdaker state nung Plastics mamshitsü atema metetdaktsüogo.
Tenokdangbatem:
* 50 microns den ishiba single use plastics ajak, talisa plastic bags aser Styrofoam aser thermocol disposable plates densema plastic cutleries December 1, 2018 anogo nungi nokdanger.
* Sangküm April 1 anogo nungi tenzüka sorkar office temi tzü litre 20 den ishiba packaged drinking water bottles mamshitsü saka filtered water dispensers aser RO plants ama amshitsü. Sorkar mapa inyakertem dang aiben amshitetba tzü pongdang amshitsü ajungshitsü.
* Plastic bags masü saka tanga amshitsü aser ajungkettsütsü. Item rongnung sü, jute aser shidi agi yangluba bags, aou aser tou agi yangluba auso aser cutleries dena lir.
* District shia nung taskforce kaka tentettsü aser iba telok nung sorkar ketdangsertem, NGOs aser Arogo lenirtem densema asalentong yanglutsü aser plastic mamshitsü atema awareness agutsütsü.
* Peipei tesem nung plastic amshiba nokdangtsü atema Village Councils aser Municipal bodies nem tesayuba agutsütsü.
* Peipei tesem nung single use plastics amshiba atema temerenshi agutsütsü asoshi Local tentettemi telemtetba agitsü akok.
* Shidi aser sü agi bag yanglutsü atema unit lapoktsü, tou agi disposable bio-degradable cutlery yanglutsü, lokti aliba tesem nung water ATMs amenoktsü aser plastic recycle atema plastic shredding units lapoker entrepreneurs nem senotsü teyari agutsütsü.
* 2020 küm January 1 tashi nung plastic straws nokdangtsü atema mera agia inyaktsü.