15th Finance Commission-i Tuophema Tourist Village semdang

Yimpoksüi/Nov. 29, 2018 nü Amphithreatre, Tuophema Bawe nung Chief Minister, Neiphiu Rio, 15th FC Chairman, NK Singh aser ketdangsertem sobaliba sentong nung adenba noksa nung angur.

Kohima, Yimpoksüi/November 29 (TYO): 15th Finance Commission Chairman, Nand Kishore Singh leniba nung Commission-i tanü Tuophema Tourist Village semdangogo.
15th FC züngsemtem den Nagaland Chief Minister, Neiphiu Rio aser tongtibang ketdangsertem aika dena liasü, ta tanü ketdangsertem osang ka ajanga metetdaktsü.
Amphitheatre, Tuophema Bawe nung loktii parnok pelaa agizük aser sobaliba sentong nung Tuophema Cultural Troupe, Rengma Cultural Troupe aser Lazami Cultural Troupe temi sobaliba ken den yar tsüngsanga liasü.
VDB Secretary Tuophema, Krutsolie Zumu-i tejaokertem pelaa agizük aser team-isa Tourist Village, Tuophema Basa nung Museum-a semdangogo.