Mokokchung DC-i sangdonger

Mokokchung, Yimpoksüi/November 30 (TYO): Mokokchung Deputy Commissioner, Sachin Jaiswal-i sangdong ka ajanga, Pre-Conception & Pre-Natal Diagnostic Technique (prohibition of Sex Selection) Act 1994 kübok tanur mabendang mesüra abenba sülen atsüabongbaji (sex selection) memelar aser iba Act kübok ozüng alema inyakba mapatem atema bail magutsütsü aser itemji ken o tulu lir, ta metetdaktsü.
Iba Act kübok, nisung kari danga tanur tebok nung lia atsüabong atema advertising süra mesüra atsüabongra küm 3 tashi tepoukdak ayutsü aser senchi 10,000 tashi achiba den küm pongu tashi Medical Registration agientsütsü, ta paisa metetdaktsü.
Iba dak alia kinüngbu/kibong züngsem kari danga atsüabongra küm 3 tashi tepoukdak ayutsü aser senchi 50,000 tashi achitsü. Iba dak sendakba nung senso ajak dang iba Act indang meteta alitsü aser iba Act dak sendakba nung kari danga aibelenra District administration nem metetdaktsütsü mepishir; item osangji shidak süra osang agutsür nem sempet agutsütsü aser pa/la maitsüji miimshia memetetdaktsütsü, ta kasa osang ajanga metetdaktsü.