Asus Zenfone Max Pro M2 Luchii 11 nü sayatsü

Luchii/December 01 (Agencies): India shishilembadak Asus-i parnok indang mid-range smartphone tasen ka sayatsü atema anogo sangdongogo. Luchii 11, 2018 nü Asus company-i ‘Zenfone Max Pro M2’ ta nüngja agütsüba smartphone ka sayatsü teernemba lir.
Twitter ajanga phone indang teaser video ka den külemi Asus-i taruba handset sayatsü anogo sangdonga liasü. Iba den külemi company-i Zenfone Max Pro M2 ya Flipkart ajanga angutsü ta metetdakja liasü. Zenfone Max Pro M2 display nung tekümzüktsü atema Corning indang Gorilla Glass 6 inoka yanglutsüogo.
Iba teaser ajanga angazükba agi, smartphone tekolaklen notch tilaka keta lir. Smartphone tesülen dual camera metongi inoka yanglutsüba sayur. Phone ya glossy back finish nung dark blue sentsü temeyoktep ka sayua liasü. Taoba handset den medemdangra, Zenfone Max Pro M2 tasenba nung upgrade tuluka alitsü ama imlar.
Taküm küm tsükla mapang Asus-i jenjang dalang indang smartphone – Zenfone Max Pro M1 India nung sayaa liasü. Iba smartphone jenjang sen 10,999 agi tenzüka angur. Zenfone Max Pro M1 nung 5,000mAh battery, Snapdragon 636 SoC aser Android tejenba keta lir. Max Pro M1 nung notch-less 5.99-inch Full HD+ display den tesülen camera ana aser tejaklen 8-megapixel selfie camera keta aliba angutsü.
Design tsütsü, Zenfone Max Pro M1 den medemdangra, Zenfone Max Pro M2 design kanga agi tajungba alitsü.
Mezüng osang dak sendakba nung, Asus Indonesia-i Zenfone Max Pro M2 Luchii/December 11 nü India nung sayatsü sangdongogo. Asus Indonesia-i Zenfone Max Pro M2 ya gaming smartphone ka asütsü ta tezütetogo.