MDFA 2015 asayamong Oct 6 nungi asayatsü

Mokokchung, September 09 (TYO): 21 buba Mokokchung District Football Association (MDFA) football asayamong October 6, 2015 nungi tenzüka Imkongmeren Sports Complex, Mokokchung nung asayatsü renemba osang ka MDFA nung tongti zülur, Imkongsunep-i tanü sangdong ka ajanga metetdaktsüogo.
MDFA 2015 Tournament Registration Form September 11 nü nungi tenzüka 3 Kit Photo Shop, Alongmen ward nung angutsü. Tournament Form aser Players list-ji September 26 nü tashi nung tongseptsüla ta kasa sangdong nungsa metetdaktsü. MDFA nung züngsemer küm 3 abensaba club kari danga taküm ticket ayoktsü contract aginüa lira, Ticket Contract Forms September 21 nü agizüktsü akok aser iba form-ji September 26 anepdang 11:00 ako tashi nungbo tongseptsüla ta sangdong nungsa shisem.
September 30 nikongdang 1:00 ako nungi tezüka MDFA Treasurer, A. Bendang Jamir’er kidang fixture draw asüba maparen inyaktsü. Iba asayamong den sentakba osangtsüsang tali jangjashitsünürtemi mobile number 9856894531/9856699423 ajanga tongteprateptsü akok ta MDFA tongti zülurisa metetdaktsü.