River Plate puri Madrid nung asayatsü memulunger

Buenos Aires, Luchii/December 2 (Agencies): Copa Libertadores final tanabuba league parnok tsükchir Boca Juniors den Madrid nung asayatsü benoka aliba River Plate puri magizük.
Buenos Aires nung River Plate indang stadium nung Yimpoksüi/Nov 24 nü asayatsü aliba ya Boca team bus ground-i oya aliba mapang nung amakba sülen masayateti atsülang. Iba lendong nung asayar aika yirua liasü.
“River Plate puri asayaba tesem melenshiba magizüker,” ta club-i Küptoknü sangdong ka ajanga metetdaktsü.
“Madrid nung asayatsü telemtetba agiba ya club-i angateta lir, saka iba ajanga ticket alir alirtem akoksadaktsütsü aser home nung asayatsüba maongka aginatoktsü,” ta parnokisa ashi.
Ajisüaka South American football confederation CONMEBOL-i parnok telemtetba matsüngshi iba asaya Real Madrid indang Bernabeu stadium-i Luchii/Dec 9 nü asayatsü bener ora kechi jenjang agijar ajibo River puri mashi.
Boca indang stadium nung final mezüngbuba league 2-2 nung tembang.
River puri ashiba agi, bus amakba ya club tazüokba kübok aliba tesem adena orr atalok. “Security temi tensa mazüoktetba khuret ya state nung ketdangsertemi yimjak nung agizükogo,” ta kasa sangdong ajanga metetdaktsü.
“Argentine football fixture nung asaya tongtibangtiba linük nung masayatettsüsa akümer kong G20 ayonga kadar.
“Argentina football-i samesa nisung kar nem Superclasico linük nung akatsü aliba menokdangdaktsütsü,” ta kasa sangdong nung shia lir.