JMF-i Ao oshioben renloktsüren nung shilem tasen ka agiogo

Mokokchung, Luchii/Dec. 03 (TYO): Jemtimenba Mollier (Mongchen) tenüng nung “Jemtimenba Mollier Foundation (JMF)” nüngja agütsür Foundation ka tenzüka lir. JMF nükjidongji Ao oshioben aser Kaketkeno renlokdaktsütsütsü tangatetba nung tenzük. Yamaji küm ishika tsüngda lenla balala nung Ao oshioben aser Kaketkeno maparen dak sendakba nung tajunger nem iba senpet (award) agüja arudagi.
Iba JMF ajanga Luchii 2, 2018 anogo Impur Bible School, 2018 küm tashi nung küm Pezü tembanga takok angur parnok 23 nem takokba Kulikaket (Certificate) agütsüba anogo (Graduation Day) Jemtimenba Mollier Foundation Award nisung ana nem agütsü. Iba senpet ya bendanger kin arua azüngertemi kodasür mezüng küm nungi Ao oshi tekaraba nung angateta Laishiba züngteta, Bible School nung sayuyim aser inyakyim ajak angateta takok ngutettsü, iba nükjidong yur senpet ya agütsür asünung taküm tenren anasü nung yamai agütsüogo. Senpet angurtemji-
1. Mezüng küm azünger rongnungi Miss Honchü Phom, Kulikaket den Sen 3, 000/-
2. Küm Pezü zünga takok angur rongnungi Miss Yahna Konyak, Kuli kaket den Sen 5, 000/-
Iba sentong nung JMF tenüng nungi Tia Mollier, Aso Imsong aser I. Temjen Tzüdir parnok asem lua shilem agia liasü.
Caption: IBS Headmaster Rev. Toshi Longchar (abelen), Tesayurtem, JMF Züngsem aser senpet agizüker, Honchü Phom aser Yahna Kongyak nunger noksa nung angur.